Bajarê Marsilya yê Fransa de polîsan eşt xeylêk keyeyan ser  û seba ke tewrê çalakîya vera Qirkerdişê Parisî ke Evîne Goyî, Mîr Perwer û Abdurrahman Kizil ameybî qetilkerdene, bîyî xeylêk kurdî destbend kerdî.

Vera destbendkerdişa meydanê Canebiere de çalakîya protestoyî ameye kerdene. Çalakwanî bi sloganan ver bi banê asayîşî rayra şîyî. Tîya  Tevgera Ciwanen Şoreşger (TCŞ) eşkerayîye daye. Eşkerayîye de ame vatene ke wezîfeyê polîsan tepiştişê kurdan nê zelalkerdişê qerdişan o. Ciwanan vat se beno wa bibo kurdî do têkoşînê xo yê heqdarî ra peyser game meerzê.