Meclîsê Ciwanan ê HDPyî kombîyayîşê xo yê verênî Merkezê Pêroyî yê HDPyî de keno. Kombîyayîş de xerîtaya weçînayîşan do bêra dîyarkerdene û bernameyê çalakîyanê vera tecrîdî bêro eşkerakerdene. 

Vervatoxa Meclîsê Ciwanan ê HDPyî û Wekîla HDPyî ya Amedî Dêrsime Dag destpêkê kombîyayîşî de qisey kerd. Qiseykerdişê Dage ra tay qismê girîngî wina yê:

''Ma kombîyayîşanê xo yê Amed, Îstanbul, Mersîn, Îzmîr, Riha û Mûşî de serê têkoşînê vera faşîzmî nîqaşî kerdî. Ma konferansanê xo de dî ke binê pêro meseleyanê nê welatî de tecrîdê Îmraliyî est o. Çimeyê pêro meseleyan tecrîd o. 

Hêzo ke weçînayîşê 2023yî do bivurno ciwan û cinî yê. Ma sey Meclîsê Ciwanan soz danê ke se beno wa bibo îtîfaqê AKP-MHPyî bin bivisnê û îdareyê ciwanan awan bikerê.Ciwanî do qederê welatî dîyar bikerê.  Ma tîya ra venga pêro ciwanan danê ke qeydanê xo seba weçînayîşî virazê û wayîrê rayanê xo vejîyê. Seba ke ciwanî bi rehetî xo biresnê sindoqan, ma do kampanya bidê destpêkerdene. Ma do faşîzmê AKP-MHPyî bişawê mîyanê çopan. Heta ke faşîzm bin şoro têkoşinê ma do dewam bikero.  

Ma hol zanenê ke netîce seba bena wa biba peynîya ci do bi heybetî biba. Qetî ma do ser bikewê. Ma do faşîzmê AKP-MHPyî çin bikerê û pîya welatêkê azadî awan bikerê. Serkewtiş ê ma yo.''

Qiseykerdişê Dage ra dima kombîyayîm bi hawayêkê girewteyî dewam keno.