Birayê Rayberê Şarê Kurdî Abdullah Ocalanî, Mehmet Ocalanî derheqê tecrîdê Îmraliyî de ANFyî rê qisey kerd.

Mehmet Ocalanî ard ziwan ke seba Ocalanî huqûq û edalet nênê caardene û vat: ''Ez zaf reyî şîya pêvînayîşî. Abdullah Ocalan 22 serrî yo seba çareserîya meseleya kurdan xîret keno. La dewlete û hukmat ney nêwazenê. Çunke ê na alozîye ra îstîfade kenê. Abdullah Ocalanî pêvînayîşê ma yê telefonî de bi zelalî vatbi ke eke Tirkîya de huqûqêk est bo ganî seba ci zî bêro caardene. Ey waştbi ke avûkatanê xo bivîno û vatbi 'Şima şaşîye kenê, dewlete şaşîye kena.' Wexto ke mi qale kerdêne telefon nişka ra birîya.''

Mehmet Ocalanî da zanayene ke ganî CPT vera tecrîdî nêrazîbîyayîşê xo bimojno û vat: ''Eke Abdullah Ocalan CPT de pêvînayîş nêkerdo nêrazîbîyayîşê xo mojnayo. No nêrazîbîyayîşêko heqdar o. Çunke mesuldarê nê tecrîdî Ewropa, Amerîka û hêzê teberî yê.

Birayê mi çend reyî seba çareserîya na mesele xîret kerd, veng da. Meseleya Tirkîya ya tewr pîle meseleya kurdan a. Mefteyê çareserîye Abdullah Ocalan o û ganî cade berê Îmraliyî bêrê akerdene. Eke meseleya kurdan çareser biba pêro meseleyî zî do çareser bibê.''