Semsûr de panc rojî verî dewa Çoxpinarî  de operasyonê qirkerdişê sîyasîyî ame kerdene. Operasyon Mehmet Ok( 74) , Cemal Ok (64) û çarçeweya eynî operasyonî de Îzmîr de Velî Ok û Çorum de zî Îsmet Var ameyî destbendkerdene.

Dewa Çoxpinarî de çîtê kesk,sûr, zer û kovara ''Kurtler''î  ya kahane ameyî destsernayene. Reyna fotografê Mehmek Okî yê pîya bi kênaya ci ya PKKyije (Arzu Ok) ameyî antene, ameyî destsernayene.

Mehmet  û Cemal Ok û Îsmet Varo ke Çorum ra dîya ardene ameyî berdene Mudirîya Cendirmeyan a Semsûrî.Velî Ok zî Îzmîr de nezaret de ame tepiştene. Hîrê kesî sewqê Edlîyeya Semsûrî bîyî û Velî Ok zî bi sîstemê SEGBÎSî îfade da. Çar kesî bi îdîaya derheqê înan de îfadeyê şahîdan est o sewqê mehkeme bîyî.  Mehmet Ok bi îdîaya ''endamîya rêxistine'' ame tepiştene  û hîrê kesê bînî bi şertê kontrolê edlîyî ameyî veradayene. Ok şawîya Kampusê Zîndanê Tîpê Tyî yê Riha