Merdimê esker û polîsanê ke hetê HPG’yî ra esîr ameyî girewtene pîya bi ÎHD’yî kombîyayîşê çapemenîyî viraşt û veng da rayapêroyî û dewlete. Keyeyan HDP  dir zî pêvînayîş viraşt.

Dimayo ke AKP’yî ‘’demê aşitîye’ qedîna mabênê 24’ê Temuz a 2015’î û 21’ê Êlul a 2016’î de  13 esker û polîsî kontrolkerişê rayîrî yê HPG’yî yê ke bajaranê Kurdan de ameyî kerdene de esîr ameybî girewtene.  Esker û polîsê ke keyeyê înan xeylî wexto ke înan ra xeberêk nêgênê mektubê înan resayî Merkezê Komaleya Heqanê Merdiman (ÎHD). Merdimê esker û polîsan ê ke semedê girewtişê mektuban ameyî Enqere bî îdarekaranê ÎHD’yî kombîyayîşê çapemenîye viraşt. Hemserekê ÎHD’yî Ozturk Turkdoganî ard ziwan ke ê newe ra semedê werêardişî hadre yê. Keyayan zî vera bêvengîya dewlete û rayapêroyî reaksiyon ramojna û waşt helêk cuwa ver semedê domananê înan çîyêk bêro kerdene. Keyeyan HDP dir zî pêvînayîş viraşt. Serekwekîlê Grûba HDP’yî Fatma Kûrtûlane û Sarûhan Olûçî da zanayene ke înan merdimanê  esker  û polîsanê ke esîr ê, dir ameyî têhet û vat ke çî yo ke destê înan ra bêro ê do bikerê.