Polîsan Mêrdîn, Şirnex û Îzmîr de eşt xeylî keyeyan ser endamê Meclîsê HDP’yî zî tede tewr tay 27 kesî destbend kerdî.

Mêrdîn

Qezayanê Nisêbîn, Qoser û Stewrî yê Mêrdînî de polîsan saetanê serê sibayî de eşt xeylî keyeyan ser. Sereştişan de keyeyî ameyî serûbinkerdene û xeylî kesî ameyî destbendkerdene. Stewr de endamê HDP’yî Hatîp Oncu û pîyê ci Ferhat Encu ameyî destbendkerdene. Reyna Qoser de endamê HDP’yî Hamza Agizman, Abdulkadîr Tati û Faysal Taş ameyî destbendkerdene. Nisêbîn de zî endama Meclîsê Şaredarîye yê HDP’yî Zeynep Sevlûşe û endamê HDP’yî Erhan Mûtlû ameyî destbendkerdene. Polîsan guyleyî kerdî berê Erhan Mûtlûyî ser ra û wina ber akerd.

Şirnêx

Şereştişê Şirnexî de di kesê ke nameyê înan nêame zanayene ameyî destbendkerdene. Qezaya Hezexî de zî endamê Şaredarîye yê HDP’yî  Mehmet Eraslan û Vahap Ozel, Îdîl Yalçin û Hatîce kaya ameyî destbendkerdene.

Îzmîr

Îzmîr de zî seretişanê keyeyan de bi îdîaya ’endamîya rêxistene’ 13 kesî ameyî destbendkerdene. Kesê ke ameyî girewtene nameyê tayînan wina yê: Hemserekê HDP’yî yê Narlidere Mehmet Gul, Denîz Yilmaz, Şevket Topkaya, Ozcan Erhan û Yasîn Dalbûdak.