Mihemed: Gere şarî seba azadîya Rayber Apoyî têkoşîn bikerê
Aktîsvîsto Sîyasî Îbrahîm Mihemedî ard vîrardene ke, tecrîdê vera Rayber Apoyî qet goreyê yew qanûn zî nîyo, etîk zî nîyo û vat, ‘‘Gere şarî seba azadîya Rayber Apoyî têkoşîn bikerê’’
Aktîvîsto Sîyasî, Îbrahîm Mihemedo başûrij serrgêra Kompleyê Mîyanneteweyî yê vera Rayberê Şarê Kurdî Abdullah Ocalanî de ANFyî rê qisey kerd.
CPT, ortaxê îşkenceyê Îmralî yo
Mihemedî bale ante ser ke no 22 aşmîyo ke Rayber Apoyî ra xebere nêyena girewte û vat, ‘‘Tecrîdê Îmralîyî, îhmalkerdişê qanûnanê mîyannetewîyan o. Bi taybetî yê CPTyo ke hemverê îşkenceyan de awan bîyo, gere CPT wezîfe û berpirsyarîya xo bîyaro bi ca. Rayber Apo însanêko normal nîyo û polîtîkayê ke hemverê ey de yenê kerdene, ê zî normal nîyî. Seba ke CPT bêveng o, o zî ortaxê nê îşkenceyî yo.’’
Tena yê kurdan nê, rayberê şaran o
Îbrahîm Mihemedoyî vat: ‘‘Rayber Apoyî bi paradîgma, felsefe û fikrê xo îspat kerdo ke tena yê kurdan nê, rayberê şaran o. Coka tena kurdî nê, gere şarê ereb, tirk û faris zî Rayber Apoyî rê wayîr bivejîyê. Tena şarê Rojhelatê Mîyanênî nê, heme şarê Ewropa û dinya gere seba azadîya Rayber Apoyî têkoşîn bikerê. Ma do bi têkoşînê heme şaran azadîya fîzîkîye ya Rayberê xo teqez bîyara bi ca.
