Walîtîyê dewleta tirke çarçewa polîtîkayanê îqtîdarî de şaristananê Vakurê Kurdîstanî de bi hawayêkê keyfî û sîstematîkî her 15 rojan de reye çalakî û aktîvîteyan qedexe kenê.

Mehkemeya Qanûnê Bingeyî  dima ke qedexeyî bîyê sebebê dewa bire daye ke nê qedexeyê aktîvîte û çalakîyan dûştê qanûnê 34. yê Qanûnê Bingeyî yê.

Walîtîya Êlihî 7ê teşrîna peyêne ya 2018î de şert kerdbi ke çalakîyî wa bi destûrî bêrê kerdene. KESK û sendîkayanê bînan bire nêarde ca û bi hawayêkê komkî seba KHKyîyan çalakîya faksşawitî kerdbî. Çalakîkeran rê cezaya pereyî dîyabî û mehkeme zî îtîrazê çalakîkeran red kerdbi. Naye ser o muracatê Mehkemeya Qanûnê Bingeyî  ame kerdene.