Muracatê keyeyan ê pêvînayîşî ame redkerdene
Muracatê pêvînayîşî yê keyeyê Rayberê Şarê Kurdî Abdullah Ocalanî û keyeyanê hîrê tepişteyanê bînan ê ke îmralî de yê ame redkerdene.
Muracatê pêvînayîşî yê keyeyê Rayberê Şarê Kurdî Abdullah Ocalanî û keyeyanê hîrê tepişteyanê bînan ê ke îmralî de yê ame redkerdene.
Merdimanê Ocalanî û hîrê tepişteyanê bînan ê ke îmralî de yê reyna seba pêvînayîşî muracatê Serdozgerîya Komare ya Bûrsa kerd. Muracatê pêvînayîşî ame redkerdene.
Birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali muracatê Serdozgerîya Komare ya Bûrsa kerdbi. Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Sabîha Aslane bi rayîrê avûkatan muracatê pêvînayîşî kerdbi.
Omer Hayrî Konar, Veysî Aktaş û Hamîlî Yildirm ê ke 2015 ra nata sey ‘’Sekreterya’’ Îmrali de yê heta ewro teyna 5’ê Hezîrane de roja Roşanî merdimanê xo dir pêvînayîş viraştbi.