Nameyê îşxalê neweyî yê MGK’yî: Korîdorê Aşitîye

Rejîmê Tirkî seba îşxalê serê Rojawanî kewto peyê nameyanê ke qaşo aşitîye bica bîyaro. Na rey nameyê îşxalî û planê şerî yê neweyî ‘Korîdorê Aşitîye’ yo.  

Kombîyayîşê Heyetê Asayîşê Millîyî (MGK) yo ke bi serkêşîya serekkomarê Tirkî Recep Tayyîp Erdoganî amebi destpêkerdene, şeş saetan dewam kerd.

 Kurdî Hedef de yê

Dimayê kombîyayîşî ra vilawekêk ke çar madeyan ra ameyêne pê amî parekerdene. 3 madeyan de hedef Kurdî bî. Goreyê vilaweke kombîyayîş de ameyo vatene ke do hem zere de û hem zî teber de hêrişê xo yê hemverê Kurdan binê nameyê „PKK/PYD û YPG‘yî“ de bidomnê. Ame vatene ke do îşxalê Başûrê Kurdistanî dewam bikero, heman wextî de çalakîya Hewlêrî ke tede endamê MÎT’î yê konsolosxaneyê Tirkî amebi kiştene zî bîya rojdemê înan. Vilaweke acizîya hemverê ciravetişê sîyasetmedaranê Kurdan ê lîsteya înterpolî zî arîyaye ziwan. Rejîmê Tirkî vat ke bultenê sûrî ra ciravetişê xeylî kesan zirar dano amacê awankerdişê ÎNTERPOL‘î.

Kombîyayîşê MGK’yî de nîyetê îşxalî yê hemverê Federasyonê Rojawan/Vakur û Rojakewtena Sûrîye vejîya werte. Goreyê vilaweke binê nameyê „asayîşê sînorî“ de ê do ‚Korîdorê Aşitîye‘ awan bikerê. Rejîmê Tirkî verê nikayî zî hêrişanê îşxalî de bi termanê aşitîye şerê xo yo leymin bica ardibi. Nameyê nê sûcanê şerî û talankerdişan ra yew zî ‘Şaxê Zeytûne‘ bi.