Namzedê hemşaredarîya HDP’yî Şengul ame destbendkerdene

Namzedê Hemşaredarîya HDP’yî yê ManîsaFûat Şengulo ke weçînayîşê cayîyan ê 31’ê Adare de ame mojnayene, ame destbendkerdene.  

Namzedê Hemşaredarîya qezaya Yûnûs Emreyî ya Manîsa yê Partîya Şaran a Demokratîke (HDP) Fûat Şengulo ke weçînayîşê cayîyan ê 31’ê Adare de ame mojnayene rîyê parekerdişanê medyaya sosyale ra ame destbendkerdene.

Polîsan, saetanê serê şodirî de eşt serê keyeyê Şengulî û 0 destbend kerd. Polîsan keyeyê Şengulî de cigêrayîş kerd û dest na serê malzemeyanê dîjîtalan. Şengulo ke ameyo destbendkerdene ame berdene bi Mudirîya Polîsan a Manîsa. Ame zanaye ke Şengul verê cû zî xeylê reyan rîyê parekerdişanê medyaya sosyale ra ameyo destebendkerdene û veradayene.