Namzetanê cinîyan ê Partîyan Çep a Keske, Wekîla HDPyî Serpîle Kemalbay û Hemsereka şaristanî Berna Çelîk reyde çarçewa xebatanê weçînayîşî de qezaya Menemenî ya Îzmîrî de karkerê cinîyî yê zîretî zîyaret kerdî.

Kemalbaye zîyaret de qisey kerd û dîyar kerd ke heqê keda cinîyan yeno werdene û vat: ''Ma waştişanê kedkaran berê Meclîsî. Ma hetê cinîyan ê kedkaran de yê. Ma wazenê pîya têkoşîn bikerê û sîstemî pîya bivurnê.''

Dima namzetan xo da şinasnayene û înan pare kerd ke cinîyî kamyew meseleyan de têrî binê, namzetî nînan do berê Meclîsî û çareser bikerê. Namzetan ard ziwan ke nê weçînayîşî seba cinîyan zaf krîtîk ê û Partîya Çep a Keske sembola pêro cinîyan a.

Cinîyan ê karkeran zî zîyaret de qisey kerd û vat ke yewmîyeya înan 300 lîra ya la krîzî ra no pere înan rê nêvejîyeno. Cinîyan waşt ke wa sîstemo nikayên bêro vurnayene.