Nîjadperestêkî hêrişê HDPyî kerd, walîtîye cade hêrişkar pawit
Îstanbul de gama ke nîjadperestêkî hêrişê bînaya HDPyî kerdêne ame astengkerdene. Walitîye cade seba ke nîjadperestî bixelisno vat; ''Problemê ci yê psîkolojîkî est ê.''
Nîjadperesto bi nameyê Mehmet Beyazîtî bi vatişê ''şima terorîst ê'' hêrişê bînaya HDPyî ya Îstanbulî kerd. Nîjadperest hetê paritîyijan ra ame astengkerdene.
Hêrişkarî vat di kesanê bi nameyê Mehmet û Ferhatî ke Kagitxane de ronişenê, Camîya Harmantepeyî o ra şawito ke hêrişê HDPyî bikero. Partîyijan hêrişkar teslîmê polîsan kerd. Hêrişkar do seweqê edlîye bibo.
Walîtîye ke badê hêrişî lezabez eşkerayîye daye, hêrişkar sey nêweşê psîkolojî hesibna ke wa ceza nêdîyo ci.
