Nobeta Azadîye ya ke hetê Înîsîyatîfê Rayber Apoyî rê Azadîye ra 25ê hezîrana 2012î  de dîyaye destpêkerdene, şaristanê Strasbourgî yê Fransa de dewam kena. Endamanê Têgêrayîşê Cinîyan ê Kurdan ê Swîsre (YJK-S) hewteyê 663ine de nobete dewr girewte. Grûbe de Hatice Çalan, Meryeme Adanmiş û Xezale Taş ca genê.

Cinîyan ra Hatîce Çalan nê vatî: ''Ma do heta azadîya Rayber Apoyî têkoşînê xo bidomnê. Ma do semedê înşakerdişê haştîye û qedînayîşê şerê leyminî tim têkoşîn bikerê. Şeran tewr zaf cinî û domanî zirar vînenê. Coka tim barê cinîyan giran o. Coka haştîye semedê ma dahîna zaf muhîm a. Çîyo tewr zor înşakerdişê haştîye yo. Rayberîye vengdayîşê haştîye kerd. Ma sey cinîyan ê kurdan nêwazenê domanê ma bimirê û gonî birişo. Coka ma paştî danê nê vengdayîşî. ''

Meryeme Adanmişa ke lajê ci rojnameger Rizgar Deniz 2017 de hêrişê çeteyanê DAÎŞî yê vera Dêrazorî de şehîd bi, vat ê do semedê azadîya Rayber Apoyî têkoşînê xo bidomnê û 8ê Adare de semedê azadîya xo vejîyê meydanan. Meryeme Adanmiş bale ante muhîmîya vengdayîşê Rayber Apoyî ser û vat gerek dewlete vera nê cade game bierzo.