Çalakîya Nobeta Edaletî ya wekîlanê HDPyî vera tecrîdkerdişê Rayberê Şarê Kurdî Abdullah Ocalanî Berê Dîkmenî yê Meclîsî de roja 19. de dewam kena. Wekîlî Kemal Bûlbûl, Omer Ocalan, Zeynel Ozen, Feleknas Uca, Gulîstan Kiliç Koçyîgît, Zuleyha Gulum, Kemal Pekoz, Huseyîn Kaçmaz û Ridvan Turan beşdarê nobete bîyî.

Zeynel Ozenî nameyê wekîlan ser o eşkerayîye wende. Eşkerayîye de ame parekerdene ke tecrîdê Îmraliyî dişmenîya vera kurdan virazeno û ganî Abdullah Ocalan bieşko keye û avûkatanê xo bivîno. Ozenî vat: ''Tek aktoro ke eşkeno nê şerî biqedîno Birêz Ocalan o. Îqtîdar zî ney ra ey asteng keno. Vera partîya ma operasyonî yenê kerdene. Ganî muxalefet vera nê kerdişan û reşkerdişê serê HDPyî vejîyo. HDP hêzê şarî yo.

Ma do têkoşînê xo yê seba awankerdişê komara demokratîke ya Tirkîya berz bikerê, ma do qetî sereyê xo nêarê war. Ma do xîretanê înan, pêro kayanê înan pûç bikerê. Xoverdayîş ciwîyayîş o, xoverdayîş serkewtiş o. Ma do qetî ser bikewê.''