Buroyê Huqûqî yê Asrinî serê hesabê xo yê Twîtterî ra eşkerayîyêk daye û va: ’’Muwekîlê ma Rêzdar Abdullah Ocalan, Rêzdar Omer Hayrî Konar, Rêzdar Hamîlî Yildirim û Rêzdar Veysî Aktaş ê ke Îmrali de yê ewro bi keyeyanê xo pêvînayîş viraşt. Eşkerayîye de detayêkê bînî ca nêgirewt.

Buroyê Huqûqî yê Asrinî tewr peynî de dabi zanayene ke avûtan 7’ê Tebaxe de  Ocalanî dir  pêvînayîş viraşto. Pêvînayişo ke qalê ci yena kerdene de Ocalanî wina vatbi: ‘’Ez hewl dana ke semedê Kurdan ca abikerê. Bêrê ma meseleya Kurdî çareser bikerê. Ez vana ke ez hewteyêk de îxtîmalê rewşa pêkewtişî werte ra wedarnena. Ez çareser kena. Bawerîya mi mi ra esta. Ez semedê çareserîye amade ya. La ganî dewlete û aqilê dewlete zî çîyo ke hewce keno bikero’’.