Tepişteyê Hepisxaneyê Bakirkoyî yê Tîpê L’yî yê ke vera tecrîdê serê Rayberê Şarê Kurdî Abdullah Ocalanî kewtîbî grevê vêşanîye, dimayê qedênayîşê grevê vêşanîye hîna zî nêameyî berdene bi nêweşxane. Nesrîn Akgule, Şukran Aydine û Zozan Çîçeke yê ke rojeyê mergî de bîyî, serê zextê rayapêroyî ameyî berdene bi nêweşxane la reyna eynî roje berdî bi hepisxane.

Avûkatanê Komeleya Huqûnasanê Azadan (OHD) vera nê binpankerdişê Hepisxaneyê Bakirkoyî muracat bi Mehkemeya Berze kerd. Muracat de ame vatene, hepisxane de serûm dayo tepişteyan, rixmê 3 rojan o ke grevê vêşanîye ameyo qedênayene zî hîna tepişteyî nêameyê berdene bi nêweşxane û ame vatêne, “Grevanê vêşanîye yê demdergan de, ganî kontrolê tepişteyan hetê pisporan ra bêro kerdene.” Dewamê eşkerayîye de ame vatene, serê cuya tepişteyan ê ke kewtîbî grevê vêşanîye tehlûkeyê mergî esto û ame vatene, “No semed ra, seba ke serê cuya tepişteyan de tehlûkeyê mergî esto, bi waştişê tedbîrî ma muracat bi Mehkemeya Berze kerd.”