Parlamenterê HDP’yî yê Amedî Hîşyar Ozsoy vera xespkerdişê şaredarîyan Bajaran ê Pîlan ê Amed, Wan û Mêrdînî razînêbîyayîş ramot û vat polîtîkaya pêkewtişî ameye xorîkerdene.

‘Wa Kurd Dayîka Xo Mevîno’

Ozsoy  vera hêrişê îqtîdarê AKP-MHP’yî hêrsê xo ard ziwan û va: ‘’ îdarekarê dewlet aTirkî Kurdan ra vanê ke ‘Şima nêeşkenê xo îdare bikerê,ma do şima îdare bikerê. Ma îradeyê şima nas nêkenê.  500 hezar reyî zî şima bidê, ma rê qiymetê ci çîn o.’  Ma sey HDP’yî heta peynî do semedê pawitişê îradeyê şarî mucadele bikerê. Nê lîderê partîyanê sîyasîyan ê ke şima vînenê heme gonîya yewbînan bişemê mird nêbenê. Heme vizêr yewbînan ra nêngî çînayêne.  Ewro kewtî tê dest, virar şînê yewbînan ra. Înan tena yew nuqte ana têhet, a zî eşkera ya,Kurd wa dadîya xo mevîno. Suleyman Soylû yo ke vano qey şar nêzano, vano nê qewimîyayîşî  goreyê huqûqî yê. Heme dinya zana ke na neheqîya, bêhuqûqî ya. Her hetî ra eşkerayîyê yenê. CHP ra heta 27 baroyan eşkerayîye dayî û vat na bêhuqûqîye ya.

'Eke Dewlete Vejîyo Teberê Huqûqî Bena Çete'

Hela ke îqtîdar dest bibedilno do Erdogan û Soylû bêrê muhakemekerdene. Çeteyî zor û şîdet şuxulnenê, dewlete bi huqûqî têgêrene. Eke dewlete vejîyo teberê huqûqî, bena çete. Vizêr gama ke ez ameyêne Amed vernîya mi girewt, vanê ti nêeşkenê bikewî Amed. Mi înanuşteyêk waşt. Kesêk îmza nêeşt nuşteyêk. Zanê ke na bêhuqûqîye ya. Ma bi rayîranê  huqûqî  wayîr heqê xo vejîyenê. Umid kena ke huqûqkarî na xeletî vînenê û embazê ma agêrenê kare xo ser.

'Ganî Heme Şarê Ma Bi Çalakîyan Wayîrê Îradeyê Xo Bivejîyo'

Eke wina mebo,  demê pêkewtiş û tengijînî yo derg yo ke înan fîtîlê ci tafînayo do bêro ciwiyayene. Vanê ma kewenê rojakewetena Firatî. Nêeşkenê bikewê ûca. Îdbîl û Rûsya nuqtayanê çimdarîye yê Tirkîya ser o bombayan varnenê. Fekê Soylû û Çavişoglûyî ra qalêk nêvejîyena. La eke mesele Kurdî bî dayîkanê pîran nêvînenê bi TOMA û polîsan danê piro. Ma çi rey vatişê terorîstî qebûl nêkenê. No esasî de terorê dewlete yo.  Ma do heta peynîye mucadele bikerê, û ganî heme şarê ma bi çalakîyan wayîr îradeyê xo bivejîyo.’’