Panc kanalê televîzyonî do semedê Şengalî ekranê xo tarî bikerê

Bi wesîleya serrgêra 5’ine ya hêrişê qirkerdişî yê çeteyanê DAÎŞ’î yê vera Şengalî 3’ê Tebaxe (ewro) panc televîzyonê Kurdî do ekranê xo tarî bikerê.

Stêrk Tv, Medya Haber, Çira Tv, Ronahî Tv û Aryen Tv’yî da zanayene ke ê semedê vîrardişê kesanê ke hêrişanê qirkerdişî yê çeteyanê DAÎŞ’î yê vera Şengalî  yê 3’ê Tebaxe de ameyî qetilkerdene û remnayene do saete 11.00 de deqeyêk ekeranê xo tarî bikerê.

Heman deqîqeyan de ewro xeylî cayanê dinya de rêzgirewtişo hemwext yeno pawitene. Reyna bi desan bajaran de bi waştişê naskerdişê qirkerdişî û xoserîya Şengalî rayraşîyayîşî do bêrê viraştene.