Heyetê Pêroyî yê Meclîsî de qiseykerdişanê teklîfê qanûnê tewreyî yê 20 maddeyan de, parlamenterê MHP’yî Mehmet Taytakî  teberê rojdemî heqê qiseykerdişî waşt û derheqê tabelaya Dêrsimî ya ke bi qerarê Meclîsê Şaredarîye amîbî daleqnayene qisey kerd.

Taytakî qiseykerdişê xo de Qirkerdişê Dêrsimî ard vîrî û bi viraştişê yewna qirkerdişî gefî wendî û vat, ’’Ê ke demo vîyarte kenê têmîyan, çî yê ke ameyî serê pîrikanê înan do bêrê serê înan zî.’’ Taytakî hemverê qerarê Meclîsê Şaredarîye de reaksîyon da û vat ke cayo ke Mûstafa Kemalî ci ra vato ‘Tûncelî’ çew nêeşkeno ci ra vajo ‘Dêrsim.’