Partîya Çep a Keske teberê welatî de xebatanê weçînayîşî rê bêmabên dewam kena. Teberê welatî de raydayîşê seba weçînayîşanê 14ê gulane yê Tirkîya 27ê nîsane de dest pêkeno û 9ê gulane de qedîyeno. 14ê gulane de do nêzdîyê 3,5 weçînitoxî teberê welatî de raya xo bidê.

Partîya Çep a Keske Amerîka ra heta Avusturalya û Kanada 52 herêman de xebatan kena, komîsyonanê weçînayîşan awan kena. Partîya Çep a Keske heta nika xeylêk cayan de standê weçînayîşî akerdî, broşurî vila kerdî, zîyaretî kerdî û kombîyayîşî viraştî.

Koordînasyonê Weçînayîşî yê Partîya Çep a Keske seba asayîşê sindoqan 400 temsîlkarî û 3 hezar muşahîdî sersefîrîyan û dayîreyanê temsîlîye de wezîfedar kerdî. Koordînasyon weçînitoxan do pê otobusan û wesayîtan berê sindoqan. 52 herêman de seba ney tedbîrî ameyî girewtene.

Partîya Çep a Keske xebatanê teberê welatî de giranîye daye xebatanê medyaya komelkî, koma medyaya dîjîtale ya Ewropa şuxilnaye. Çarçewa xebatanê medyaya komelkîye de ke hetê 53 kesan ra yenê pê, xebatê hîrayî yenê kerdene.