29ê teşrîna verêne de rojnamegerê kurdî Dîrene Yurtsever, Berîvan Altan, Ceylan Şahînlî, Salman Guzelyuz, Emrûllah Acar, Hakan Yalçin û Denîz Nazlim, Habîbe Eren û Oznure Deger ameybî tepiştene.

Rojnamegerê kurdî yê tepişteyî wexto ke tay nameyan seba pêvînayîşî weçînenê, Asayîşê Anqara nê nameyan red keno. Rojnamegeran seba zîyaretanê ke bi bahaneya 'şikdar ê' ameyê redkerdene îtîrasê Mehkemeya Înfazî ya Anqara kerdbî la îtîrazê înan bênetîce mendî. Rojnamegere Ceylane Şahînlî seba zîyaretî nameyê rojnameger Yusra Batihan dabi la Mudirîya Asayîşî ya Anqara seba ke Batihane Ajansê Mezopotamya de xebitîyena waştiş red kerd.

Zabitnameyê cigêrayîşî yê Mudirîya Asayîşî ya Anqara de ame îfadekerdene ke ajansê Batihane sey sebebê redî ameyo mojnayene.  

Hetê bînî ra Heyetê Îdareyî û Çimdarîye yê Zîndanê Asayîşê Berzî yê Sîncanî zî derheqê redkerdişê muracatê muxabîrê MA Hakan Yalçinî de xeberê ey sey sebebî mojnayî û vat: ''No kes derheqê tepişte û hukmwerdeyan de xeberan virazeno û nê xeberî zî seba ajîtasyon û propaganda şuxilîyenê.''