Qerarê destsernayîşê hetkarîya xezîna ya HDPyî ame wedaritene
Mehkemeya Qanûnê Bingeyî qerarê destsernayîşê hetkarîya xezîna ya HDPyî wedarit û tarîxê pawitişê fekkî yê dewaya qefilnayîşî ya HDPyî bi waştişê partîye peyde eşte.
Mehkemeya Qanûnê Bingeyî tarîxê pawitişê fekkî yê dewaya qefilnayîşî ya Partîya Demokratîke ya Şaran (HDP) bi waştişê partîye 11ê nîsane rê peyde eşte.
Hemvervatoxê Komîsyonê Huqûqî yê HDPyî Serhat Erenî vat: ''Mehkemeya Qanûnê Bingeyî verî ra çiray qeraran teqdîmê ma nêkena. Ma zî çapemenîye ra eşnawit. Seba ke qerarê nêkewto destê ma, ma nêzanê tede çi est o.''
Hetê bînî ra Mehkemeya Qanûnê Bingeyî qeraro ke dewaya qefilnayîşî ya HDPyî de semedê destsernayîşê hetkarîya xezîna amebi girewtene, wedarit.
