Qeraxê qezaya Bodrûmî ya Mûgla de keştîyêk ke nizdê 40 koçberî tede bîyî noqê awe bîye. Goreyê yewîyanê ewlekarîya qeraxî, ame zanayene ke heta nika 31 kesî ameyê xelesnayene, la meyîtê 8 kesan ameyo dîyene.

Keştî 34 metreyan binê awe de amî dîyene. Cehdê seba xelesnayîşê merdimanê vînîbîyayeyan dewam kenê. Goreyê Organîzasyonê Koçê Mîyanneteweyîyî, destpêkê serre ra nata Deryaya Sipîye de tewr tay 555 kesan gama ke cehd kerd ke xo biresnê Ewropa cuya xo vînî kerde.