Komeleya Rojnamegeran a Dîcle-Firatî derheqê binpaykerdişanê heqanê rojnamegeran de menga gulane eşkera kerd.

Rapor de ame vatene ke rojnamegerî maruzê teda, şîdet, astengîye, destbendkerdiş û sereştişê keyeyî benê û rojnamegeran rê 'ajanîye' yena ferzkerdene. Rapor de ame vatene ke muxabîrê Ajansê Mezopotamya Lezgîn Tekay hetê 5 kesan ra ame remnayene û ci rê ajanîye ameye ferzkerdene.

Rapor de nê binpaykerdişê heqan ameyî parekerdene:

-Yew rojnameger ame destbendkerdene

-Polîsan eşt keyeyê 1 rojnamegerî ser.

-Vera yew rojnamegerî maruzê hêrişî bi.

-Derheqê 1 rojnamegerî de tehqîqat ame akerdene.

-4 rojnamegerî wextê teqîbê xeberî de ameyî astengkerdene.

-Derheqê 1 rojnamegerî de dewa ameye akerdene.

-1 rojnamegerî rê ceza dîyaye.

-Prosesê muhakeme yê 18 rojnamegeran dewam keno.

-7 xebere, 11 sîteyê xeberan, 123 vilakerdişê medyaya dîjîtale ameyî astengkerdene.

-4 rojnamegerî karî ra ameyî vetene.

Goreyê raporî Tirkîya de 70 rojnamegerî tepişte yê.