‘Raporê SETA rojnamekaran hedef ramojneno’

Platformê Rojnamekaran ê Cinîyan ê Mezopotamya: Eşkera bi ke amaco bingeyên ê raporê SETA hedeframotişê rojnamekeran û sazîyanê înan o û belgeyê ke binê nameyê raporî de ameyê weşanayene goreyê ma sebebê sûcî yo.

Platformê Rojnamekaran ê Cinîyan ê Mezopotamya derheqê raporê SETA de eşkerayîyêka nûştekîye weşanaye. Eşkerayîye de ame vatene, “Zextê ke ro rojnamekaran yenê kerdene roje bi roje benê zêde. Sazîyê çapemenîye û rojnamekarî benê hedef. Tewr peynî raporo ke hetê Weqfê Cigêrayîşanê Cimatî, Ekonomî û Sîyasetî (SETA) ra bi nameyê ‘Dimeyê Sazîyanê Medyaya Mîyanneteweyîye yê Tirkîya’ ame weşanayene, bê ke xo biseperno cigêrayîşêk, goreyê parekerdişanê ke înternetî ser o ameyê kerdene ercnayîşî ameyê kerdene û rojnamekarî hedef ameyê ramotene.

 Eşkera bi ke amaco bingeyên ê raporê SETA hedeframotişê rojnamekaran û sazîyanê înan o û belgeyê ke binê nameyê raporî de ameyê weşanayene goreyê ma sebebê sûcî yo. Belgeyêko winayên seba zordîyayîşê rojnamekaran û sazîyanê înan zemîn pêşkêş keno. Wazenê ke rojnamekar û sazîyanê înan ser o zextan bikerê. No hal zî persa ‘tirêm no ters seba çi yo?’ ana vîrê merdiman.

Bi nameyê Platformê Rojnamekaran ê Cinîyan ê Mezopotamya ma vanê ke ma na polîtîkaya hedeframotişî ya SETA ya hemverê rojnamekar û sazîyanê çapemenîye qe qebûl nêkenê û ma hemmeslekanê xo dir ê. Rojnamekarî tena nêyê.”