Rayraşîyayîşê 25 rojan o ke bi wesîleya serrgêra Komployê 15ê Sibate yê vera Rayberê Şarê Kurdî Abdullah Ocalanî Fransa de ame organîzekerdene de bajarê Mantes la Jolie de dewam kerd.

Çalakwanan şar û esnafê derûdorî rê vilawekî vila kerdî. Reyna esnaf û dezgehê fransizan zî ameyî zîyaretkerdene û derheqê rewşa Rayberê Şarê Kurdî Abdullah Ocalanî de dosyayî dîyayî înan. Raywananê rayraşîyayîşê dergî derheqê şertanê tecrîdê serê Abdullah Ocalanî de dosyayêke zî teslîmê şaredarîya bajarî kerd.

Rojnameyê Courrier de Mantesî ke ame zîyaretkerdene vat ê paştî danê şarê kurdî û do 30ê çeleyî roja sêşeme ca bidê rayraşîyayîşê dergî û mîtîngê Kolnî.

Badê rayraşîyayîşî senî ke bajaranê bînan de zî ame kerdene, kartpostalê ke rayîr de ameyî îmzakerdene Rayberê Şarê Kurdî Abdullah Ocalanî rê ameyî şawitene.

Saetê 18:00 de do Komeleya Şarî ya Mantes la Jolie de kombîyayîşê şarî bêro kerdene.

Rayraşîyayîş do siba bajarê Les Mureauxî de dewam bikero. Roja sêşemeyî do saete18:00 de zî pêramotişê fîlmî bêro kerdene.