Rayraşîyaşî Azadîyê rixmê heme astengîyan ver bi Gemlikî dewam keno. Bi seyan wesayîtî hetê polîsan ra nuqtayanê cîya cîyayan de ameyî astengkerdene. Hemsereka Pêroyî ya HEDEPî Tulaye Hatimogullari û wekîlî zî tede xeylêk kesan nizdê Gemlîkî de serê rayîrê Orhangazî de eşkerayîye daye.

Tuaye Hatimogullari nê vatî: " Ma ewro vera tecrîdê Îmraliyî û seba ke şirê Îmrali tîya de yê. Bi rojan o Tirkîya û Kurdîstan de çalkîye û aktîvîteyî yenê kerdene. Seba ke Tecrîdê Îmraliyî bêro wedaritene û Birêz Ocalan bireso azadîya xo ya fîzîkîye  veng dîyeno rayrapêroyîya Tirkîya û dinya.Vizêr Amed, Çukurova, Serhed û çar hetanê Kurdîstan û Tirkîya de ma çalakîye û aktîvîteyê cîya cîya kerdî. Vizêrna polîsî kewtî alarm her ca de kenê ke verê ma bîgêrê. Vizêr xeylêk embazê ma ameyî destbendkerdene û raştê hêrişî ameyî. Ewro zî embazê ma yê ke Ege û Îzmîrî ameyî, ameyî astengkerdene û destbendkerdene. 

Nika her hetê Tirkîya ra şar wazeno bêro tîya. Ma bi zext û astenkerdişî rî bi rî yê. Sîstemê ke tecrîd nayo ro wazeno teber de zî verê hêzanê demokrasîyî bîgêro.  La wa no bêro zanayene ke îdareyê şarî tîya de yo. Îradeyê şarî vano Wa meseleya kurdan cade bi metodanê haştîye bêro çareserkerdene. Semedê qedînayîşê şer û pêkewtişanê Rojhelatê Mîyanênî ganî meseleya kurdan bêro çareserkerdene û Rojawan de şarê kurdî bibo wayîrê statuyî. Heta ke meseleya kurdan nêra çareserkerdene, tecrîd nêro waderitene  û Birêz Ocalan nêro muxatapgirewtene  şarê Tirkîya do hema zaf bibê qurbanê nê sîyasetî.

Ma tîya ra vengdayîşê xo newe kenê, bêrê ma na mesela bi metodanê haştîye çareser bikerê. Bêrê ma tecrîdê Îmraiyî wedarê û ma pêro pîya Birêz Ocalanî  biresnê azadîya ci. Ma tîya ra do rayraşîyayîşê xo bidomnê. Ma veng danê heme dezgehanê demokratîkan ê Tirkîya û mîyannewteyî; bêrê ma pêro pîya na mesela çareser bikerê."