Polîtîkayanê şerî yê îqîtîdarê AKP-MHPyî ekonomîya Tirkîya arde nuqtaya cumkerdişî. Îqtîdar heme îmkananê welatî semedê şerî xerc keno. Vêşanîye û bêkarîye çend şino zêdîyenê. Rîyê krîzê ekonîmîkî ra sere de werd her çî rê dilab-hîrlab zem bîyo. Şar nêeşkeno nana wişke bifîno dest la qesra Erdoganî de rojane 18 mîlyon TL  yeno xerckerdene.

Hemwelatî Kadir Basut (60) seba ke qet cayêkî ra pere qezenc nêkeno, çopan de werd arêdano û wina mikatê keyeyê xo beno. Basutî pê nê vatişan qala tengayîya ke anceno kerd: ''Ma feqîr ê, yew ameyeyê ma çîn o.  Seba ke pereyê mi çîn o, ez mecbûr çopanê bazaran de werd arêdana. Ne yew kar est o ne zî ameye. Ganî ma na rewşe de senî biciwîyê. Sey mi zaf merdimî est ê.''

Aydin Kirikî zî ard ziwan ke o bi serran o nêeşkeno kar bivîno û vat: ''Ma sey şarî kerdî muhtacê nana wişke. Bi aşman o ez nêeşkena keyeyê xo rê nana teze bigêrî. Bi aşman o hema goşt nêkewto keyeyê ma. Ez zerzewat û fêk çopan ra arêdana. Rewşa ma feqîran wina ya û ê ke ma îdare kenê mîyanê sefa de yê.''