Rojhelatê Kurdîstanî û Îran de xoverdayîşê 'jin, jiyan, azadî' û hêrişê dewleta Îranî roja 131. de dewam kenê.

Rojhelatê Kurdîstanî de rejîmê Îranî teda û hêrişê xo vera şarî zêdînayî.

Vizêr Torra Heqanê Merdiman a Kurdîstanî pare kerd ke rejîmê Îranî, bi bahaneya ke propaganda kerda cezaya zîndanî ya 17 serran daya malayê camîyêkê Ciwanroyî Seyfula Hisênî.

Vizêr vera cezayan malayê Sunî Meulawî Ebdulhemîd Îslamîyî medyaya dîjîtale ser o mesajêk vila kerd û vat: ''Şîdetê asayîşî, tepiştişê hemwelatîyan û malayan, hîrakerdişê çalakîyan ra ber faydeyê çîyêkî nêkeno.''

Vizêr şaristanê Kercekî de bi çalakîyêke ame waştene ke cezayê îdamî yê ke ameyê dayene çalakîkeran wa wedarîyê. La hêzanê Îranî hêrişê girseyî kerd û girse bi zorî zîndanî ra vet.

Xeylêk taxanê Tehranî de şar vera rejîmê Îranî sloganî vatî.

Federasyonê Rojnamegeran ê Mîyanneteweyî zî veng da ke wa 33 rojnamegerê tepişteyî vera bidîyê.