Roniştişê xebatkarê Azadîya Welatî Çetîn Kurşun û birayê ey Sedat Kurşunî qezaya Qoserî ya Mêrdînî de ame dîyayene.

Her di zî 6'ê Sibate 2018 de ameybî destbendkerdene û girewtene. Rojnameyê Azadîya Welatî bi Qerarnameyê Hukmê Qanûnî (KHK) amebi padayene. Mehkeme seba Sedat Kurşunî beraat waşt, seba birayê ey rojnameger Çetîn Kurşunî zî îdîaya ''endamê rêxistine'' û ''propagandaya rêxistine kerdene'' ra waşt ke caza bêra dayene. Avûkatanê Sedat û Çetîn Kurşunî waşt ke muwekîlê înan bêrê veradayene. Derheqê Sedat Kurşunî de qerarê bereatî ame dayene. Rîyê weşananê serê keyepelê ciwannewsî ra 'propagndaya rêxistine kerdene'' ra 3 serrî ceza Çetîn Kurşunî rê ameye birnayene. Mehkeme wexto ke Kurşun hepisxane de mendo girewt verê çiman û qerarê tehlîyekerdişê ey da.