Roniştişê dewaya Serekê Verênî yê HDPyî Selahattîn Demîrtaş o ke sey esîr yeno tepiştene Mehkema Cezaya Girane ya Anqara de roja 3. de qedîya. Demîrtaş semedanê weşîye ra tewrê roniştişo ke Kampusê Zîndanî de ame kerdene nêbî.

Avûkatê Demîrtaşî, wekîlê HDPyî Habîp Eksîk, Erol Katircioglu, Celadet Gaydali û îdarekarê HDPyî tewrê mehkeme bîyî. Avûkatê Sînornênasî Per Stadîg û Stende Geer zî tewrê mehkeme bîyî.

Avûkatê Demîrtaşî Mahsunî Karamanî vat: "Derheqê dewa de nimnanîyîşî estî. Ma tay dokumentanê SEGBÎSî û dokumentanê roniştişî vînenê la ma nêeşkenê dokumentê dosya bivînê. Selahattîn Demîrtaş û Fîgen Yuksekdag tehqîqato ke îfadeyê endamanê MYKyî zî tede çin ê û 5 serran ra nata ci ser o xebate nêna kerdene ra semed ameyî tepiştene."

Roniştiş taloqê 27-28ê gulane bi.