Hemserekê HDPyî Mîthat Sancarî pa heyetê xo vizêr Hatayo ke erdlerzê Mereşî de raştê xesarêkê pîlî amebi, bi wesîleya Roşanê Remezanî zîyaret kerd. Heyetî verî taxa Serînyolî de şarî reyde kombîyayîşêk kerd.

Sancarî tîya de pare kerd ke ê do çîyo ke erdlerz de ameyo Hatayî ser, nêdê vîrakerdene û hesabê ci bipersê.

Heyet dima derbazê qezaya Erzînî bi. Sancarî tîya de vat: ''Ma do nê weçînayîşan de hêzî bidê Partîya Çep a Keske. Ma do rayîrê cuya newîye abikerê. Têkoşînê şarê ma do bibo serkewtişê îradeyê vurnayîş û vurîyayîşî. Hatay weçînayîşan rê amade yo. Ma eşkenê heqê dej, xemgînî û texrîbatan ra bi hêvî û têkoşînî bêrê. Wext wextê ci yo ke îqtîdarê AKP-MHPyî şorê çopê tarîxî. Ma nê roşanî de xemgîn ê la 14ê gulane ra dima roşanê xo bikerê. Haştî û azadîye do bêrê nê welatî. Ma do nê şaristanî newe ra awan bikerê. Rayîrê ma akerde bibo.''