RISEUP bi eşkerayîyêk veng da her kesî ke serrgêra Şorişê Rojawanî ya 19’ê Temmuze de derheqê Şorişê Rojawanî de video, dîmen û peyaman pare bikerê.

 Kampanyaya serê torê cimatkîyî do bi etîketanê “#pirozbe / #riseup4rojava” bêro rayraberdene. Xusûsen zî kampanya do serê Twîtter û Facebookî ra bêro rayraberdene.

 Şorişê Rojawanî 19’ê Temmuze 2012 de Kobanê de dest pêkerd, dima ra Efrîn, Qamişlo û Dêrike de vila bi.

 RISEUP’î eşkerayîya xo de bale ante serê xoverdayîş û serfirazîya Kobanê ya hemverê DAÎŞ’î û no ame vatene: “Şoriş rixmê heme kemasîyanê xo de bi vîrê xobîyayîşî yê azadîya cimatî bi xo. Tu hêriş nêeşka na hesrete bin fîno! Kurdistan, cimatê Vakur û Rojakewtena Sûrîye her roja ke şîye bîyî berz û xo resna serra hewtine.

 DAÎŞ bi xoverdayîşê Kobanê bin kewt. Bi Xoverdayîşê Kobanê Rojawan pêroyîya dinya de bi sembolê umîdî.

 Hesretî ercê nê şorişî yê. Hesrete dereceya ke ewro şoriş resayo afernaya. Bê înan şoriş nêbeno, ê çinêbîyêne tu çîyêk ma çinbi ke ma 19’ê Temmuze pîroz bikerê. Seba pawitişê ercanê pêroyîyan bi qerardarîye, bi heskerdişî seba hemeyê dinya tarîx nûşt.

 Lorenzo, Ivana Hoffmanne, Anna Campbelle, Leger Cîya, Dilsoz Bahar û xeylî enternasyonalîstê bînî bi qerardarîya xo bîyî perçeyêkê nê tecrubeyî. Domnayîşê nûştişê nê tecrubeyî û averberdişê nê şorişî mîrasê ma yo.”