Seba Xelatanê Rojnamegerîye yê Mûsa Anterî û Şehîdanê Çapemenîye muracatî dest pêkerdî. Musabeqeya ke qismanê “Xeberê Tirkî”, “Xeberê Kurdkî”, “Fotograf (Fotografê Xeberan), “Karîkator” û “Xeberanê Cinîyan” ra pê yena, do hetê rojnameyê Yenî Yaşamî ra bêro organîzekerdene.

Seba vîrardişê nuştox û roşinvîrê Kurdî Mûsa Anterî û xebatkaranê çapemenîye yê ke serê karî de cuya xo vînî kerda, serra 1993 ra heta nika her serre “Xelatê Rojnamegerîye yê Şehîdanê Çapemenîya Azade û Mûsa Anterî” yenê viraştene. Emser zî ziwanê musabeqeyî Tirkî û Kurdkî yê. Pîya bi emserî beno reya 27’ine ke nê xelatî yenê dayene. Muracatî do heta 10’ê Êlul a 2019’î bêrê girewtene. Netîceyê musabeqe do 18’ê Êlul a 2019’î de bêrê eşkerakerdene. Xelata seba her qisimî 5.000 TL yo.

Her beşdarî tena eşkenê qismêk de û bi berhemêk musabeqe bikerê. Berhemê ke seba xelate ameyê şirawitene do reyna apey nêrê şirawitene. Beşdarî eşkenê berhemanê xo bi PTT yan zî kargo bieşrawê. Berhemê ke bi rayîrê posta yan zî kargo nêresê adrese mesuldarî aîdê wayîrê/a ci ya.

 Adresa ke beşdarî do berhemê xo bieşrawê wina ya:

Web: yeniyasamgazetesi.com e-posta: [email protected]

Telefon: 0 212 252 83 99

Fax: 0 212 252 83 90

Adrese: Mehlaya Şehit Muhtar, Bekar Sokak No: 7/3 Beyoglu/Stenbol

Xelate emser ancî hetê rojnameyê Yenî Yaşamî ra yena dayene.