Selahîyetdarê DYA Rojawan û Tirkîya de yê

Temsîlkarê DYA yo Xusûsî yê Sûrîye James Jeffrey Tirkîya de, fermandarê Hêzê Merkezî yê DYA Kenneth McKenzie Rojawan de yo.  

Temsîlkarê DYA yo Xusûsî yê Sûrîye James Jeffrey bi dawetkerdişê hukmatê AKP’yî ame Enqere û dest bi pêvînayîşan kerd.

 Heman wextî de fermandarê Hêzê Merkezî yê DYA (CENTCOM) orgeneral Kenneth McKenzie zî Rojawan de dest bi pêvînayîşan kerd. Jeffrey do ewro meşte bi payedaranê hukmatî dir pêvînayîşan bikero. McKenzie zî Hesekê de fermandarê pêroyî yê Hêzê Sûrîye yê Demokratîkî (QSD) Mazlûm Ebdîyî dir pêvînayîş kerd. Yeno vatene ke Ebdî û McKenzie derheqê qewimîyayîşanê serê sînorî de qisey kerdo.

Ebdî Hîşyar Kerdibi

Ebdî verê çend rojan hîşyarî dabî ke eke Tirkîya hêrişê cayêkê Vakur û Rojakewtena Sûrîye bikero do no yew agêro şerêkê pîlî.