Federasyonê Elewîyan ê Demokratîkî (FEDA), Buroyê Aşitîye yê Cinîyan (CENÎ) û Komîteya Merkezî ya MLKP'yî derheqê qedênayîşê grevanê vêşanîye de eşkerayîyî dayî.

FEDA da zanayane, hîna ke xeylî kesan cuya xo grevê vêşanîye û rojeyê mergî de vîndî nêkerda qedênayîşê çalakîye seba heme mazlûman gamêka muhîm a û ame vatene, “Ma paştraşt ê ke rixmê zulmê serdestan zî ê yê ke verê mergî de mergî bin kenê, serkewtişê înan o heqdar do şaranê mazlûman rê bibo roşnîya hêvîye.”

FEDA şexsê Leyla Guvene de heme xoverdayoxî silam kerdî.

CENÎ zî bale ante serê eşkerayîya çalakgeran a dimayê qedênayîşê grevê vêşanîye û da zanayene, têkoşîn do bi rayîr û metodanê cîyayan dewam bikero.

CENÎ da zanayene ke, sere de Leyla Guvene, xoverdayoxê grevê vêşanîye û rojeyê mergî vera faşîzmê Tirkîya xoverdayîşêko tarîxkî nîşan da û bi saya rêxistina cinîyan atmosferêkê neweyî yê hêvîye aferna. CENÎ semedê nê serkewtişî, xoverdayoxî pîroz kerdî.

Komîteya Merkezî ya MLKP'yî serkewtişê xoverdayîşê grevanê vêşanîye û rojeyê mergî yê karker, kedkar, cinî, ciwan û şaranê bindestan pîroz kerd.

Eşkerayîya MLKP'yî de ame vatene, têkoşîn do heta qedênayîşê faşîzmî dewam bikero.