AKP’î bi derba Heyetê Weçînitişî yê Berzî (YSK) weçînitişê Stenbolî betal kerdibi. 23’ê Hezîrane de do weçînitiş reyna bêro kerdene. YSK’yî qedexeyê seba weçînitişê dayî destpêkerdene.

Partîyê sîyasî û namzetê xoserî heta qedîyayîşê demê propaganda do eşkenê bi rayîrê weşanî  reklam û propagandaya xo bikerê.

Heta peynîya weçînitişî serê rayîranê rayapêroyî de, îbadetxane û  banê ke wezîfeyê rayapêroyî yenê kerdene de xebatê propaganda do qedexe bibê. Reyna heta peynîya weçînitişî propagandaya bi emaîl û smsyan zî do qedexe biba.

Mîyanê 10 rojanê vernîya raydayîşan bi rayîrê çapemenîye û medya propaganda do qedexe biba. Eke persnameyî bêrê kerdene zî ganî persnameyî eşkera bêrê kerdene.

Tirkî reyde bi ziwan û lehçeyanê cîyayan zî propaganda do eşkena bêra kerdene.