Strasbourg de aktîvîteyê bi şîarê ‘Ocalanî rê Azadîye’

Însîyatîfê Ocalanî rê Azadîye  çarçeweya ‘’Nobeta Azadîye’ ya ke 25’ê Hezîran a 2012’î ra nata bêmabên yena domnayene de Strasbourg de aktîvîteyanê cîya-cîyayan ê çar rojan organîze keno.

Çalakîya Nobeda Azadîye ya ke çalakîya tewr derge ya şarê Kurdî yê Ewropa ya  kewte serra xo ya 8’ine. Çarçeweya ‘’Nobeta Azadîye’’ ya ke 25’ê Hezîran a 2012’î ra nata bêmabên yena domnayene de do no hewte xeylî aktîvîteyî bêrê viraştene.

Çarçeweya aktîvîteyanê ke bi waştişê azadîya Rayberê Şarê Kurdî Abdullah Ocalanî yenê viraştene de ewro meydananê tewr muhîman ê Strasbourgî de pêramotişê fotografan û atolyeya hunerî ameyî ronayene. Pêromotişê fotografan de cuye  û mucadeleyê Rayberê Şarê Kurdî, komploya mîyanneteweyîye û dimayê demê Îmraliyî xoverdayîşo ke şarê Kurdî dayo yeno ramotene. Reyna derheqê Şorişê Rojawanî û mucadeleyê cinîyan ê Kurdan de zî fotografî ca gênê. Hunermendê sey Dogan Demîr, Yilmaz Yildirim, Amele û Alaîn Lîgîerî tewrê atolyeya hunerî bîyî. Reyna do panelêk zî bêro viraştene.