Taxê Gazî û Nurtepe yê ke roniştoxê ci elewî û kurd ê, tede dafika fuhuşî sey metodê rijnayîşê komelî şuxilîyena. Roniştoxanê taxanê Nurtepe û Gazî derheqê babete de ajansê ma rê qisey kerd. Roniştoxanê taxan seba ke polîsî paştî danê çeteyanê fuhuş û narkotîkî nameyê xo nêda.

Esnafêkê/a Nurtepe îfade kerd ke çeteyê madeyanê tîryakî-kundoxî bi destekê polîsan mîyanê ciwanan de madeyanê tîryakî vila kenê. Esnafî/e pare kerd ke nê çeteyî ciwanan de verî dostîye kenê, dima madeyanê tîryakî roşenê ciwanan û cinîyê ciwanî seba ke pereyê tîryakî peyda bikerê kewenê dafika fuhuşî.

Reyna nê taxan de ke tede keyeyê şorişgêr û welatperwerî manenê, polîsî xo nêzdîyê cinîyan kenê, cinîyan rê tecawuz kenê û nê tecawuzan kenê vîdeo. Polîsî dima nê cinîyan rê fuhuş ferz kenê. Keyeyê tepişteyanê sîyasîyan zî hedefê nê polîtîkayanê fuhuşî de yê.

Roniştoxanê taxan da zanayene ke dewleta tirke polîtîkaya fuhuş û tîryakî, bi rayîrê polîsan ana ca.

Warê daristanî yê taxa Gazî bi taybetî bîyo merkezê fuhuş û tecawuzî. Roniştoxanê Gazî û Nurtepe pê hesna ke kuafor, konfeksîyon û kafeyî zî bîyî merkezê bazarîya fuhuşî.