Seba wedaritişê tecrîdê serê Rayberê Şarê Kurdî Abdullah Ocalanî parlementera HDP’yî Leyla Guvene 200 rojî grevê vêşanîye de mendebî. Tedawîya Guvene ya nêweşxaneyî qedîyaye û vat ke, “Ez do bi hawayêko xurtir biagêra mîyanê şarê ma.”
Dimayê peyamê Rayberê Şarê Kurdî Abdullah Ocalanî, Hemsereka Kongreya Cimatî ya Demokratîke (KCD) û parlamentera HDP’yî yê Colemêrgî Leyla Guven a ke 200 rojî grevê vêşanîye de mendebî, çalakîya xo qedênabî. Gulen a ke nêweşxane de tedawîya ci ameyêne kerdene û ewro tedawîya ci ya nêweşxaneyî qedîyaye.
Kongreya Cimatî ya Demokratîke (KCD) xebera qedênayîşê tedawîya Leyla Guvene serê keyeypelê xo yê fermî ra eşkera kerd. Tedawîya Guvene qedîye la kontrolê ci yê weşîye do dewam bikerê.
Sabîha Temîzkan a ke kênaya Leyla Guven a, serê hesabê xo yê twîtterî ra derheqê dayîka xo de vat, “ Dayîka mi Leyla Guvene seba ke biresa weşîya xo ya verêne, ma mecbûr mendê ke heta demêk mabên bidê serdayîşan. Nika silamanê xo heme kesan rê kena. Vana, ‘Seba ke wextêko tewr nêzdî de sere de şarê Colemêrgî, ez virane bifî heme şarê xo ra, ez do xurtir biagêra mîyanê şarê ma.’”
