Xoverdayoxê grevê vêşanîye Mele Mûstafa Tûzak 134 rojî, Şîyar Xelîl 121 rojî, Cemal Kobanê û Omer Bagdûrî zî 118 rojî grevê vêşanîye mendî û bi vengdayîşê Ocalanî çalakîya xo qedênaye. Çalakgeran ra Tûzakî xeylî kîlo vîndî kerd, coka nêweşxane de yeno tedawîkerdene.

Tûzak nêweşxaneyê DRK Klînîken Berlîn Mîtte de vizêrî ra nata yeno tedawîkerdene. Yeno vatene Tûzakî 23 kîloyî vîndî kerdê û kewto 44 kîloyî. Wextanê peyênan de problemê sey viritiş, rind nêvînayîşî virazîyabî û rîtmê zerrîya ey baş nêxebitîyêne.

Tûzakî rixmê problemanê weşîya xo bi qerardarîye çalakîya xo rê dewam kerdebî. Tûzakî ard ziwan, netîceyê xoverdayîşî de dewleta Tirkî mecbûr mende game eşte û her kesî ra waşt naye ra tepîya zî seba Ocalanî têkoşîn bikerê.