Hemserekê HDP’yî Sezaî Temellîyî Konferansê Herême yê Çukurova yo ke hetê HDP’yî ra amebi organîzekerdene de qisey kerd.

Qiseykerdişê Temellîyî  ra tayî cayî wina yê: ‘’Wextê rêxistinbîyayîşî yo ke do welatî bivurno.  Wextê persê ‘ganî çi bêrokerdene’ bêro cawabkerdene yo. Fikrîyatê HDP'yî, HDK'yî esto, no fikrîyat xeylî xurt o, xeylî wayîrê îdîa yo. No fikrîyat  ''demokrasîyo radîkal o. Nika wextê rêxistinkerdişê nê fikrîyatî yo. Hem seba çareserîya meseleyê Kurdî, hem seba çareserîya problemanê şarê Rojakewtena Mîyanêne û çareserîya problemê demokrasî yê Tirkîya, Rêzdar Ocalano ke referansê nê fikrîyatî yo ma wazenê ey silam bikerê. Şiknayîşê tecrîdî helbet muhîm bi, biqîmet bi. No proses, rojanê verê ma hem seba sîyasetêTirkîya, hem seba sîyasetê Rojakewtena Mîyanêne û dinya rêça muhîme xo pey de verdano. Meseleyê tewr sereke yê Tirkîya meseleyê Kurdan o. Heta ke meseleyê Kurdan çareser nêbo, merdim nêeşkeno na rewşa bêsîyasetî ra derbaz bibo. Bi no qayde rayîrê demokratîkkerdişê Tirkîya çin o. Wazenê ke hişmendîya ke Efrînî rê ferz kerda, serê heme Sûrîye rê ferz bikerê. La Sûrîye rê aşitîye lazim a. Seba ke Sûrîye de vernîya aşitîye bêra akerdene, ganî zemînêk hempar serê Qanûnê Bingeyênî yê  Sûrîyeya Demokratîke de bêro awankerdene. Hepisxaneyan de sîyasetmedarî estê. Fîgene esta, Sebahate esta, Selma esta, Sebahat esto. Tam 5 hezar HDP’yijî estê. Tu sucê nê hevalanê ma çin o. Nê hevalê ma, seba ke têkoşînê demokrasî dayo, serdestan ê girewtê. Ganî cade azad bibê.”