Tepişteyanê ke çalakîya grevê vêşanîye û rojeyê mergî qedênaya, yenê berdene bi nêweşxane. Ame zanayene ke tayê bajaran de sewqê tepişteyan nêameyê kerdene. Ame dîyayene ke wextê sewqkerdişî de tayê tepişteyî ameyî derbkerdene.

Wan: 17 tepişteyanê ke çalakîya grevê vêşanîye û rojeyê mergî qedênaya, bi 5 ambulansan ameyî berdene bi Merkezê Tipî yê Yuzuncu Yili yê Dursun Odabaşiyî û Nêweşxaneyê Cigêrayîş û Perwerdeyî yê Herêma Wanî. Tedawîyê 4 tepişteyanê ke ameyî berdene bi nêweşxaneyî  dewam keno. Hemserekê TUYAD-DER’î yê Wanî Onder Sogukbulakî da zanayene ke, hîna 306 xoverdayoxê grevê vêşanîye do bêrê ardene bi nêweşxene û tedawî kerdene.

Stenbol: Ame zanayene ke tepişteyî Hepisxaneyê Bakirkoyî yê Tîpê L’yî de nêweşxaneyî rê nênê sewqkerdene. Avûktan ard ziwan ke înan mudirê hepisxaneyî reyde pêvînayîş kerdo vat, “Testê tepişteyan ameyo kerdene û serum zî ameyo dayene labelê ma wazenê ke sewqî tepişteyan bêro kerdene.” Wekîlê Partîya Şaran a Demokratîke (HDP) zî hepisxaneyan ra gêrênê û derheqê tepişteyan de zanayîşan gênê.

Amed: Hemsereka KCD’yî Leyla Guvena ke 200 rojî grevê vêşanîye de bîye û bi vengdayîşê Rayberê Şarê Kurdî Abdullah Ocalanî grevê vêşanîye qedîna û teba 3 parlamenteranê HDP’yî Dersîm Dag, Tayîp Temel ve Murat Sarisaç û xoverdayoxanê bînan ameyî berdene bi nêweşxene û girewtî binê tedawî. Leyla Guvene û 3 wekîlan reyde Îsmet Yildiz, Sevîcan Yaşare, Salîh Tekîn, Bîlal Ozgezer, Mustafa Yildiz, Naîme Çelîke; Mêrdîn ra Gurbet Ektîrene, Mahsun Şen, Murat Aksîn, Halef Yîgît ve Ahmet Ongun; Êlîh ra Sedat Akin; Riha ra Husnu Kilinç  û Hedle Ogure bi ambulansan ameyî berdene bi nêweşxaneyanê bajarî. Tedawîyê 4 parlamenter û 18 kesan dewam keno.

Teba 5 tepşîteyanê ke rojeyê mergî de yê temamê ci 221 tepişteyê ke Hepisxaneyê Amedî yê Tîpî D’yî de yê ra heta nika teyna 21 kesî ameyî berdene bi Nêweşxaneyê Cêgêrayîş û Perwerdeyî yê Gazî Yaşargîlî. Nameyê xoverdayoxanê ke rojeyê mergî de bi û ameyê berdene bi nêweşxaneyî wina yê: Ahmet Topkaya, Ferhat Turgay, Abdulhalîk Kaplan, Enver Donmez ve Ergîn Akhan. Nameyê xoverdayoxanê bînan ke nêweşxane de binê tedawî de yê wina yê: Recep Bal, Adnan Yîgîttekîn, Bahattîn Demîr, Mazlum Dîlek, Faruk Akbay, Firat Ertunç, Mahsum Şanolan, Evîn Kaya, Kîbrîye Evrene, Hîlal Olmeze, Kumrî Tokay, Sercan Gumuş, Nîmettullah Cînkiliç, Ridvan Kaya, Hayatî Ozmen ve Cuneyt Aslan.

Êlîh: Hepisxaneyê Êlîhê Tîpê M’yî de 32 tepişteyê ke 23'ê Adare ra nata grevê vêşanîye de bîyî, rixmê ke dayo zanayene çalakîya xo qedênaye nênê tedawîkerdene.Tepişteyan seba tedawîkerdişî watişname daye rayberîya hepisxaneyî, labelê heta nika waştişê înan nêameyî qebûlkerdene.

Enqere: Ame zanayene ke muayeneyê 4 tepişteyanê ke Hepisxaneyê Sîncanî de grevê vêşanîye de bîyî Nexweşxaneyê Kampuse Hepisxaneyê Sîncanî de dewam keno. Nameyê tepişteyanê ke yenê tedawîkerdene wina yo: Suheyla Taşe, Salîha Taşkesene, Zelîha Ûstabaşe û tepişteya ke nameyê ci nêameyo musayne.

Çankiri: 5 tepişteyê Hepisxaneyê Çankiri û 3 tepişteyê Hepisxaneyê Amasya yê ke grevê vêşanîye qedênayo, sewq bi nêweşxaneyî ameyî kerdene.

Kocaelî: Hepisxaneyê Kandira de Parlamenterê verênî yê HDP'yî Selma Irmake û Sebahat Tûncele teba 18 çalakgerê grevê vêşanîye sewq bi Nexweşxaneyê Dewlete yê Seka yê Kocaelî ameyî kerdene.

Riha: Hepisxaneyê Rihayê Tîpê T’yî de 12 kesanê ke grevê vêşanîye de bîyî sewq bi Nexweşxaneyê Cigêrayîş û Perwerdeyî yê Riha ameyî kerdene. Hepisxaneyê Girê Sorî yê Tîpê T’yî de zî 6 girewteyî 5’ê Çele ra nata grevê vêşanîye de bîyî, ameyî berdene bi Nexweşxaneyê Dewlete yê Girê Sorî. Nameyê tepişteyanê ke yenê tedawîkerdene wina yo: Sunay Yamane, Sozdar Çîçeke, Ayten Tîkîte û Serhat Yilmaz.

Şirnex: Hepisxaneyê Şirnexî yê Tîpê T’yî zî 22 tepişteyanê ke tarîxanê cîyayan de dest bi grevê vêşanîye kerdîbî, saetanê şewe de sewqê Nexweşxaneyê Dewlete yê Şirnexî ameyî kerdene. Parlementera HDP’yî ya Şirnexî Nûran Îmîre û grubêka SES’î yê Şirnexî ra yena pê, saetanê şewe de doktoranê ke kontrolê tepişteyan kenê reyde pêvînayîş kerd.