Siddik Guler (87) dewa Kerha ya qezaya Bismilî ya Amedî de 1994 de tepişîya û 27 serrî yo zîndan de yo. Siddik Gulero ke Zîndanê Menemenî de tepişîyeno, tede nêweşîyê giranî est ê û o lîsteya nêweşanê giranan ê ÎHDyî de cagêno.

Cinîya Siddik Gulerî Hasîne Guler pare kerd ke mêrdeyê ci zîndan de 2 reyî anjîyo bîyo, tede hîpertansîyon, qelb û romatîzma est ê. Hasîne Guler îfade kerd ke gereka mêrdeyê ci amelîyat bibo û hînî vîrê ci beno zeîf. Hasîne Guler vat: ''Mêrdeyê mi nêro veradayene zî wa zîndanêkê nêzdîyî rê bêro sewqkerdene. Wezîrîya Edaletî û Dezgehê Tipê Edlîyî (ATK) mabênê tepişteyan de cîyakerîye kenê. Kiştoxî, mafyayî, dizdî vera dîyenê la tepişteyê sîyasîyî vera nêdîyenê. Ma 13 mengan verê Wezîrîya Edaletî de nobete girewte. La waştişê ma nêameyî caardene. Ganî tepişteyê nêweşî cade bêrê veradayene.''