Tepîşteyê PKK û PAJKî, seba serrgêra Kompoloyê 15ê Sibate eşkerayîyêka nuştekîye vila kerde.Eşkerayîya ke hetê Denîz Kayayî ra ame dayene wina ya:

‘‘Serrgêra 24ine ya Komployê Mîyannewteweyî yê 15ê Sibate de, ma şarê xo yê ke erdlerzî de merdimê xo vîndî kerdî, înan rê serweşîye û birîndaran rê zî şîfa wazenê. Ma dejê  şarê xo şaranê Kurdîstan, Tirkîya û Sûrîye zerrî ra hîs kenê û erdlerzî ra dima kesêkê bîyî seferber û hetkarîya şarê xo kenê, înan rê zî sipas kenê. 

Berpirsîyarê na felakete çeteyê AKP-MHPyo ke butçeyê erdlerzî seba şerî xebitneno. Cayo ke erdlerz virazîya, her kes zanayêne ke uca seba erdlerzî krîtîk o la reyna zî nê çeteyanê AKP-MHPyî ê cayî kerdî qurbanê rantî. Bi na felakete eşkera bîye ke îqtîdarîya nê çeteyan senîn a. Ocaxê madenan û erdlerzanê verênan de hende însanan dinyaya xo bedilnaybî la nê çeteyan dersa xo nêgirewt û şarê ma kerdî qurbanê rantê xo. Do teqez hesabê na felakete bêro persayene.

Ma komployo ke vera Mîmarê têkoşînê ‘Însano azad, komelo azad’î Rayber Apoyî de ameyo kerdene, şarmizar kenê û, ma bi nameyê şehîd û fedayîyanê xo yê ke hemverê nê Komployê Mîyanneteweyî yê 15ê Sibate de bedenê xo kerd adirêk û çalakîyê fedayîyî kerdî, Kurde, Aynure, Hatîce Ana, Veysî Taş û Mehmet Akarî heme şehîdîanê xo yê Azadîya Kurdîstanî bihurmet yad kenêSerrgêra 24ine ya Komployê Mîyanneteyeyî yê 15ê Sibate ke vera Rayber Apoyî de bi, ma rayberê xo bi heskerdiş û hurmet silam kenê.

Şarî rê vengdayîş

12ê êlula 2020î de 'Hemleya Dem Dema Azadîye yo' ameye destpêkerdene û na çarçewa de semedê azadîya fîzîkîye ya Rayberîye û pawitiş û azadkerdişê Kurdîstanî çalakîyî ameyî averberdene. Rayber Apo gama ke prosesê komployî ercneno bale anceno serê hemrayîya qîmnêkerdîye û dostîya sexteye ser. Seba ke serrgêra 24. de komplo bi temamî biqedîyo, ganî ma berpirsîyarîya xo bîyare ca ke, hemrayîya raşte ramojnê. Ma tepîşteyê PKK û PJAKî do bi rastîya Rayberîye xover bidê. Ma wazenê ke; sere ke keye û şarê ma gere her kes nê têkoşênê şerefî de çi dest ra bêro bikero, seba azadîya fîzîkîye ya Rayber Apoyî gere her kes bixebitîyo, hemverê çekanê kîmyasalan, nê sucanê verba merdimîye, ajanîye û hetkarîya nê rejîmê faşîstî de gere her kes hemverê nînan de bi hewayêk cîdî bivindero, û ma wazenê ke qismê demoktarîkî wa peynîya bêvengîya xo bîyarê.

Ma reyna Rayberê xo yo ke Îmrali de têkoşînê tarîxî dano, bi heskerdiş û hurmet silam kenê, şehîdanê xo yê ke bi şîarê ‘Şima Nêeşkenê Rojê Ma Tarî Bikerê’ xo kerdî parçeyê adirêkî, bihurmet yad kenê û ma sozo ke dayo şarê xo reyna anê vîrardene.’’