Îsmaîl Hakki Tursun 30ê kanûna 1992yî de Amed de tepişîyabi. Rixmo ke 'cezaya' ci qedîyaya tehlîyeya Tursunî reya hîrêyîne ameye taloqkerdene.

Tursuno ke Zîndanê Riha de tepişîyeno û nêweşîyê ci yê giranî est ê, seba ke Heyetê Çimdarîye û Îdareyî yê Zîndanî derheqê ci de raporê ''halê ci hol nîyo, poşman nîyo'' dayo vera nêdîyeno. Tehlîyeya Tursunî qasê 9 mengan û 5 rojan ameye taloqkerdene.

Raporê Heyetê Çimdarîye û Îdareyî de çalakîya grevê vêşanîye ya 2018î, çalakîya vera îşxalê Efrînî, çalakîya sloganeştişî û cezayê dîsîplînî sey 'sebebê taloqkerdişî' ameyî mojnayene. Heyetî raporê xo de vat ke 'Tursun 31 serran de qetî poşman nêbîyo coka halê ci hol nîyo.'

Heyet 25ê êlula 2024î de ancî derheqê Tursunî de raporêkî bido.