Têgêrayîşê Cinîyan ê Kurdistan-Ewropa(TJK-E) seba Festîvala Cinîyan a Zîlane û Festîvala Fîdan Dogane-Rojbîne vengdayîşê tewrbîyayîşî kerd.

Eşkerayîye de ame vatene, “Sere de cinîyê Kurdî yê Almanya, Hollanda û Belçîka ma vengdayîş bi temamê şarê xo, hêzanê şoreşger-demokratîkî û sazgehanê averperweran kenê ke 22'ê Hezîrane Şeme de tewrê Festîvala Cinîyan a Zîlane ya 15’ine bibê ke do bi şîyarê “Xoverdayîşê cinîyan azad keno’ bajarê Leverkusenî yê Almanya de bêra viraştene.

Ma paweyê ke heme dostê ma 23'ê Hezîrane roja Yewşemeyî de, paytextê Fransa Parîs de tewrê Festîvala Fîdan Dogane-Rojbîne ya 3’ine bibê ke do bi slogane ‘Xoverdayîşê cinîyan azad kena’ bêra viraştene.

Konfederasyonê Cimatanê Kurdistanijan ê Almanya (KON-MED) zî seba festîvale vengdayîşê tewrbîyayîşî kerd û da zanayene, “Sere de hemserekê ma yê cinî yê meclîs û federasyonanê KON-MED'î, rayberê ma yê cinîyî, endamê ma yê cinîyî û sazgehê cinîyan heme do tewrê Festîvala Zîlane bibê.”