Ciwananê kurd û enternasyonalîstan Berlin de seba Mazlûm Dag û Abdurrahman Er ê ke bi îdîaya kiştişê îdarekarêkê MÎTî cezaya dardekerdişî dîyaye înan  seba ke bire nêra caardene kampanyaya îmzayan daye destpêkerdene.

Ciwanan înternetî ra venga şarî da ke bira dardekerdişî wa bêra vindartene û verê nê sûcê merdimîye bêro girewtene. Vengdayîşê bi îngîlîzkî, almankî, tirkî û kurdkî de ame waştene ke wa her kes tewrê kampanya bibê.

Se bibî?

17ê temmuza 2019î de şaristanê Hewlêrî yê Başûrê Kurdîstanî de endamê MÎTî Osman Kose amebi kiştene. dima Mazlûm Dag û Abdurrahman Er zî tede xeylêk kesî ameybî destbendkerdene. 11ê sibata 2020î de derheqê Mazlûm Dag û Abdurrahman Erî de bira dardekerdişî dîyaye. 22ê êlula 2020î de Mehkemeya Temyîzî bire tesdîq kerde. Nika seba caardişê bire ganî Serekê Herêma Kurdîstanî bire tesdîq bikero. Er û Dag nika Hewlêrde tepişîyenê.