Bernameyêkê televîzyonê Tirkîya de pêşkêşwana nîjadpereste ya tirke Dîdeme Arslan vera kurdkî bêtehamulîye kerde. Vera pêşkêşwana nîjadpereste medyaya dîjîtale ser de nêrazîbîyayîş ame mojnayene.
Bernameyê bi nameyê 'Didem Arslan Yılmaz'la Vazgeçme' yê televîzyonê Tirkîya de pêşkêşwana nîjadpereste wexto ke cinîya bi nameyê Turkane Taşçi bi kurmanckî qisey kerdêne mudaxele kerd.
Pêşkêşwana nîjadpereste Dîdeme Arslan semedo ke bi kurmanckî qisey kerd Turkane Taşçi weşane ra girewte û vat: ''Tirkî qisey bikere, tîya Komara Tirkîya ya. Ma ê ziwanî nêzanenê.''
Na bêtehamulîya Arslane ra dima kurdan twitter de pê etîketê #DidemAslanHaddiniBil (Hedê xo bizane Dîdeme Arslan) vera babete nêrazîbîyayîşê xo mojna. Etîket rojdemê twitterî yê Tirkîya de bi vîral.
